"Ang pag-antus mao ang kinabuhi, ang kinabuhi mao ang pag-antus."

Divine Master's Message

April 3–4, 1969

Category: Divine Master's Messages

Author: Admin

"Ang pag-antus mao ang kinabuhi, ang kinabuhi mao ang pag-antus."

The following is the original message delivered by Divine Master Ruben E. Ecleo, Sr. on April 3–4, 1969, presented in its original form for preservation, study, and reflection.

Nagpasalamat ako ngadto sa akong Amahan nga sa akong mga missionario adunay nanagbuhat ug dautan tungod kay anha maila ang matarong taliwala sa mga dautan.

Ingon man dili maila ang matarong kon walay dautan ug unsa ang dautan kon walay matarong.

On Suffering and Eternal Life

Nganong aduna man kitay pag-antus?

Ang pag-antus mao ang kinabuhi, ang kinabuhi mao ang pag-antus.

Ang katapusan niining atong pundok nga makaambit kita sa himaya nga wala nay katapusan.

Bulahan kamong mga timawa kay anaa kaninyo ibilin ang mga ganti sa atong Amahan ug wala ngadto sa mga adunahan naman sila.

Unsa ang Eternal Life?

Mao kini ang pagbalhin nato ngadto sa laing kinabuhi nga walay katapusan.

Angkona ninyo ang kamatayon aron paghimaya sa inyong mga buhat ug pag-angkon sa kinabuhi nga dayon.

Dili ikaw makaambit sa kinabuhing dayon kon dili ka mamatay.

Ang kamatayon mao ang unang lakang ngadto sa kinabuhing Espirituhanon or Eternal Life.

Ang kamatayon sa atong Amahan Ginoong Dios Jesukristo maoy himaya sa atong Amahan tungod kay sa iyang pag-antus, pagpailob, pagpaubos, pag-alagad ug pagtudlo sa tibuok nga katawhan ug pagpakamatay alang ug tungod sa iyang mga tinubos—gigantihan siya sa kinabuhi nga walay katapusan sa iyang pagkabanhaw gikan sa mga minatay, hinungdan nga wala malisang sa iyang mabangis nga kamatayon pagbitay sa Krus.

On the Purpose of the World

Gibilin kanato ang kalibutan aron duna kitay kasakitan ug mga pag-antus, apan ang kalibutan adunay timailhan ug kamatuoran.

Gimugna kining atong pundok, ug kining atong pag-antus ug pagsakripisyo dinhing dapita alang sa pagmaya-pagmaya tungod kay mibalhin naman ngadto sa kinabuhi nga wala nay katapusan pinaagi sa pagpakatawo pag-usab ug inubanan sa pailob, pag-antus, pagpasakit ug pag-alagad sa tibook katauhan ning kalibutan hangtud sa atong kamatayon.

Ikalipay ninyo mga kaigsoonan kong Kristohanon ang mga kasakitan nga kanunay ninyong giantos, kay ang ganti nga gisaad sa atong Amahan andam na ug human na ang tanan

Consumatuom Est, ang nahisulat na, what is written is written.

Continued Message

At the age of seven years old, I know the seven sacrifices of God.

Busa tungod sa atong pagkatawhanon walay usa kanato nga matawag nga hingpit ug mao nga angay kitang maghinulsol ug magbag-o sa atong hunahuna ug kasingkasing ug magatuo sa maayong balita sa atong Amahan Dios Jesukristo.

Atong itanom sa tagsa-tagsa nato ka panumdoman ang maayong balita nga adunay gingharian sa Dios nga adunay himaya nga walay katapusan.

Ang makasulod niining gingharian mao lamang kadtong mga tawo nga naghugas sa ilang mga sala, nagbag-o sa ilang pagkatawo ug masunoron sa balaod sa Dios ug balaod sa tawo.

Mga tawong hingpit nga walay sala, mga tawong mainantuson ug mapailubon sa ngalan sa Dios diha sa ilang agtang nga walay laing nasayod gawas kaniya nga maoy nakadawat niini.

Sa laktod nga pagkasulti, mga tawo lamang sa Dios ang makapuyo sa iyang gingharian diin masunod sa hingpit ang balaod sa Dios.

On Service to Humanity

Ang pag-alagad sa tibook nga katauhan mao ang atong tuyo ug tinguha ngano nga ania kita karon sa pundok PBMA, Inc. nga maoy labing balaan nga pundok sa Dios nga karon pa mamugna sukad matukod ang kalibutan.

Angay tang hatagan ug dakong pagtahod ug pag-alagad ang tanang mga buluhaton ug mga pagtuman sa balaod diha sa walay kinutubang pailob ug pagpaubos.