"Busa sa katapusang singgit sa atong Amahan nag-ingon Siya, 'Natapos na ang tanan.' Kon sa Latin pa, 'Consummatum Est.'"

Divine Master's Message

The Meaning of "Consummatum Est" and the Importance of Discipline

April 13, 1979

📍 Place: Admin. Building, San Jose, Dinagat Islands

👤 Speaker: Divine Master Ruben E. Ecleo, Sr.

📖 Category: Divine Master's Messages

"Busa sa katapusang singgit sa atong Amahan nag-ingon Siya, 'Natapos na ang tanan.' Kon sa Latin pa, 'Consummatum Est.'"

On April 13, 1979, at the Admin. Building in San Jose, Dinagat Islands, Divine Master Ruben E. Ecleo, Sr. delivered a message reflecting on the sacrifice of Jesus Christ, the meaning of His resurrection, the purpose of discipline, and the continuing mission of God among humanity.

This transcript is preserved in its original language and is presented without altering the message, allowing readers to study and reflect upon the teachings as they were delivered.

Reflection on Christ's Sacrifice

Gikan sa atong membro sa atong pundok, ilang gipasidungog kanako ang mga pasiuna sa mga kasakit nga gihambin ug gibati sa atong Ginoo niadtong unang mga adlaw sa iyang pakig-uban sa iyang decipulo.

Gikan niadto ug hangtud karon akong gipamalandong kanunay, atong giilarawan ang iyang nanghitabo sa kinabuhi. Daw ato pang nakita ang mga imahen, anino sa iyang kagahapon sa iyang pagpalansang sa Cross, sa iyang pag-antos niadtong adlaw sa iyang pagmisyon.

Didto sa katapusan nag-ingon Siya, "Natapos na ang tanan."

Human Niya gidawat ug gipakita ang kamatayon ngadto sa iyang mga kaigsoonan.

Iyang gihisgutan nga natapos na ang tanan.

Iyang gilitok kana nga mga pulong, nagpasabot nga niining kalibutan wala nay kulang.

Anaa na kanimo ang kalipay.

Gidawat mo na ang kasakit.

Ug ang tanan anaa na kanimo kon kanato.

Sa iyang pagpalansang sa Cross, usa sa mga katuyuan nga diha sa imong kasingkasing imong mailhan nga diay ang tawo adunay pag-antus.

Death, Resurrection, and Eternal Life

Sa iyang pagdawat sa kamatayon, imong mailhan nga ang tawo adunay kamatayon.

Sa iyang pagkabanhaw, imo usab mailhan nga dunay kinabuhi.

Lagi kay sa pagkabanhaw man, nagpasabot kay adunay kinabuhi, aduna usab kamatayon.

Komo Siya DIOS ug anaa Kaniya ang tanan, Iyang gidawat ang pagkabanhaw aron ilhon, aron sabton nga niining kalibutan adunay usa ka kinabuhi nga mahimong mamatay ug mahimong mabuhi.

Usa ka comparison sa pagpamatuod nga anaa Kaniya ang kagamhanan nga tanan.

Kay gikan niadto ug hangtud karon wala pay nagpakita gikan sa kamatayon, unya Siya nabanhaw.

Ug gikan niadto ug hangtud karon wala pa'y nagpakita nga adunay namatay ug nabuhi na usab.

Kinsa man lamang ang nakabaton sa kinabuhi dinhi ning kalibutan kon imong susihon ang tibuok nga hilit nga gipuy-an sa mga walog sa mga katawhan?

Wala pa'y nakita gawas sa atong Amahan.

Gawas kang Cristo nga atong Dios.

Siya lamang usa ang dunay kinabuhi hangtod karon.

The Father's Testimony

Ngadto sa mga binuhat nga sama kanato, wala pa kini manghitabo nga susama ngadto Kaniya nga tapos ang tawo makadawat sa masakit nga kamatayon, dungan sa pagtunod ngadto sa mangitngit niyang lubnganan.

Wala pa'y nagpakita sa mata sa mga katawhan nga ang usa ka binuhat nga gitunod sa mangitngit nga lubnganan unya nabanhaw ug mikayab ngadto sa langit.

Siya lamang nga atong Amahan ang nagtudlo sa kalipay.

Siya lamang ang atong Amahan nga naghatag kanato sa tibuok nga kinabuhi nga gisangunan sa Iyang pagka-Amahan.

Ug sa ngalan sa Iyang pagkagahum ug anaa ang kagamhanan, maoy hinungdan nga Iyang gipakita kanato ang matuod sa mga matuod sa Iyang kinabuhi.

The Importance of Discipline

Mao man ngani mga igsoon ko ang kapunungan sa PBMA, una nga akong gibuhat mao ang "Disiplina."

Ang disiplina usa kini ka mga butang nga importante.

Usa kini sa matang sa kinabuhi sa tawo nga makahatag unang edukasyon sa imong pagkatawo.

Unang laraw sa imong hunahuna nga ikaw ilhon ug makita nga anaa kanimo ang usa sa mga bililhon nga mga panglihoklihok.

Usa sa mga bililhon nga mga buhat.

Kay kon wala ang disiplina, tingali kaha anaa lamang kanimo ang kalipay apan wa' ka makasabot kon unsay kasakit.

Apan kining kalibutan nga gipuy-an sa tawo kinahanglan gayud atong matagamtam ang tanan.

Kay kon walay kasakit, kulang sa disiplina.

Kon walay kalipay, kulang ka usab sa disiplina.

"Consummatum Est"

Busa sa katapusang singgit sa atong Amahan nag-ingon Siya,

"Natapos na ang tanan."

Kon sa Latin pa,

"Consummatum Est."

The original message continues with the succeeding teachings on:

• The continuing mission of God

• History repeated itself

• Counsel to Missionaries

• Counsel to the Youth

• Self-examination

• Final exhortation

Reflection

The original transcript is preserved to encourage careful reading, study, and reflection on the message as it was delivered.